Novas achegas para comprender a exclusión na nosa contorna

Como estaba previsto, este fin de outubro trae unha manchea de novas importantes arredor da pobreza e a exclusión social na nosa contorna.

Os menores e a recesiónHai dous días chegaba o informe de UNICEF, titulado Os nenos e a recesión: como afecta a crise aos nenos nos países ricos. Lonxe do rol asinado tradicionalmente a este tipo de organismos de carácter internacional, o informe non fuxe de aspectos que os gobernos consideran polémicos. O máis importante deles é que os recortes nos orzamentos teñen un impacto negativo nas nenas e nenos, especialmente nos países mediterráneos. No caso de España, estamos a falar dunha década enteira perdida. Entre nós, AGAMME faise eco da nova e resume algúns dos seus datos máis salientables.

A continuación sen tempo de analizar a fondo a información fornecida por UNICEF, Intermón – Oxfam afirma hoxe que “o número de milmillonarios se duplica durante a crise mentres a desigualdade alcanza niveles extremos”. E propón que reaccionemos como sociedade, tanto a nivel local como global, cun informe cuxo título convida ao inconformismo e á acción: “Iguais. Acabemos coa desigualdade extrema. É hora de cambiar as regras”.

E mañá remata en Madrid o Congreso da Fundación FOESSA sobre Exclusión e Desenvolvemento Social en España, onde se están a analizar os datos do último informe FOESSA, que describe unha sociedade esgazada. Á espera de ir debullando algúns dos seus contidos, paga a pena visitar o seu resume en dez gráficas, das que destaco a involución dos niveis de integración social: ese retroceso desde o 50% ao 34,1% (da metade a un terzo) da poboación plenamente integrada, e o avance desde o 16,3% ao 25,1% da zona de exclusión, cunha crecente integración precaria.

Advertisements

Premio Nobel da Paz para Kailash Satyarthi

Tomado de http://www.globarlmarch.org

Traballo infantilOutubro 10, 2014: É un día de orgullo e alegría grande tanto para a Marcha Global Contra o Traballo Infantil como para o seu presidente Kailash Satyarthi convertido no primeiro hindú en gañar o Premio de Paz do Nobel polo o seu traballo sen par a prol dereitos da infancia Este ano o Premio Nobel da Paz tamén foi concedido a Malala Yousafzai desde Paquistán polo seu traballo de promover educación para as mozas. Con isto, convértese nun premio compartido por dúas persoas que están a promover os dereitos da infancia: Un acabando coa explotación infantil e a outra defendendo o dereito a educación.

Kailash Satyarthi é o arquitecto e guieiro de dous dos movementos de sociedade civís máis grandes como son a Marcha Mundial Contra o Traballo Infantil e Campaña Global para Educación. No seu país India, Kailash Satyarthi fundou o movemento Bachpan Bachao Andolan (Movemento para Salvar a Infancia) que rescatou sobre 80.000 nenos da escravitude, o tráfico de persoas e a explotación no traballo nas últimas tres décadas. Encabezou con éxito un movemento no seu país para facer da Educación un Dereito Constitucional que achandou o camiño para a o dereito dos menores á educación gratuíta e obrigatoria na India. Tamén fundou en 1994 a primeira sociedade civil –Coalición Empresarial para establecer a Rugmark (agora coñecida como Bo Tecido), que é a primeira certificación e o primeiro mecanismo de etiquetaxe social para alfombras feitas sen traballo infantil en Asia do Sur.

 

A súa contribución na loita contra a escravitude intantil e a explotación laboral foi recoñecida internacionalmente. Kailash Satyarthi está liderando a loita global contra a escravitude infantil. El xunto con outros veteranos que loitan polos dereitos da infancia iniciaron a Semana da Fin da Escravitude Infanti, que é a principal campaña do noso tempo para pór a atención internacional na escravitude infantil, reclamando a inclusión de supresión da escravitude infantil na Axenda do Desenvolvemento Post-2015.

 

Global March saúda o seu fenomenal valor e liderado e está desexando o seu liderado inspirador para os tempos por vir.

 

#NobelPeacePrize2014

18000 fogares con nenas ou nenos en pobreza severa

Pobreza CeroHoubo un tempo en que a pobreza e a precariedade social existían, pero estaban agochadas para a opinión pública. Parecía prevalecer a opinión de que “aquí non se fai rico quen non quere”. Eran os tempos dun crecemento económico que prometía abundancia universal. Agora aparece á vista de todo o mundo o emperador espido. Non hai posibilidades de que o crecemento económico xere recursos ilimitados e un reparto equitativo. Os recursos sempre serán limitados e os repartos desiguais. Para un reparto máis igualitario, para que uns gañen, outros teñen que perder; hai que ser consciente de a igualdade ten un prezo. Agora, afortunadamente, existe a conciencia de que a situación debe mellorar, que debemos poñer aos máis débiles no centro do debate, e que a cohesión social é imprescindible para unha sociedade que queira vivir en paz.

http://praza.com/movementos-sociais/7592/a-xunta-reconece-que-18000-fogares-con-nenos-sofren-pobreza-severa-en-galicia/

Crea un sitio web ou un blogue de balde en WordPress.com.

Up ↑

%d bloggers like this: