Un referendo con trampa

Escribín hai uns meses que habíamos pagar todos as consecuencias do frustrado golpe militar en Turquía. Desde o meu punto de vista, o primeiro resultado tanxible acaba de chegar. Erdogan acaba de perpetrar un referendo no que o poder manexaba todos os resortes (e perdeu en todos os espazos urbanos) e a oposición foi duramente reprimida e confinada ao voluntarismo. Sen garantías reais de respecto á vontade popular, a marxe final da vitoria só dá a medida do furto da vontade da xente a mans dun poder crecentemente autoritario.

O conflito sirio está enquistado, Europa non ofrece solucións á crise dos refuxiados e ninguén quere bater contra Turquía aínda que ninguén se fía do seu proxecto político autoritario. Así as cousas, a capacidade de presión de Turquía a prol dos seus intereses totalitarios vai medrando. E os partidarios do totalitarismo en Europa tamén van medrando, despois do éxito do seu padriño americano.

É urxente recuperar a democracia, en Turquía e en Europa: convivir en paz e en liberdade!

Gañamos en Coia!

Durante o tempo que coincidín laboralmente con Diego Lores, mantivemos un durísimo enfrontamento que nunca chegou a resolverse. A inimizade de aquela, sen embargo, non me impediu ver que a denuncia contra el pola participación nas mobilizacións contra a colocación do barco “Bernardo Alfageme” na rotonda de Coia agochaban unha enorme falsidade. Diego sempre foi un pacifista convencido, un militante social exemplar e un defensor radical do poder da palabra fronte ao poder da violencia.

Os meus parabéns a Diego e ao resultado desta loita colectiva pola liberdade de expresión e de manifestación!

http://odscoia.arkipelagos.net/gañamos-en-coia-todas-gañamos-coa-retirada-da-acusación-contra-diego

Como explicar a vitória de Trump e a derrota de Hillary: Naomi Klein — Leonardo Boff

Se há uma pessoa que se coloca claramente do lado das vítimas do atual sistema financeiro mundial e que tem autoridade e credibilidade esta é seguramente a jornalista e ativista canadense Naomi Klein. Sem complicados argumentos nos oferece as razões pelas quais Donald Trump venceu as eleições presidenciais nos USA e porque Hillary Clinton, por […]

via Como explicar a vitória de Trump e a derrota de Hillary: Naomi Klein — Leonardo Boff

A vitoria de Donald Trump

Sen ánimo de resultar agoreiro, teño o mal presentimento de que as eleccións americanas de hoxe serán para Donald Trump. Desde hai tempo veño pensando, dicindo e escribindo que o fascismo comeza a gañar perigosas partidas á democracia. E que as máis arteiras son aquelas que se xogan no campo aparentemente inocuo da polémica entre os políticos “razoables”, entre quen contaría Hillary Clinton, e os “radicais”, entre os que se inclúe Trump. Esa dicotomía permite que personaxes que son a representación máis completa da peor cara do sistema capitalista aparezan en público como “antisistema”, capten a atención e o voto de persoas desencantadas e mesmo expulsadas dos ámbitos do benestar e logren así utilizar a pobreza e a exclusión de persoas e familias antes ben situadas que buscan chibos expiatorios para vencer nas consultas electorais.

Nos Estados Unidos, ademais, xoga un papel moi importante a división territorial do voto, que permite garantir unha representación republicana moi superior aos votos populares, polo efecto do sistema maioritario e a dinámica electoral das circunscricións máis conservadoras, que son máis pequenas en poboación pero son a maioría. A isto hai que agregar o feito de que os sistemas maioritarios tenden a concentrar os votos en dúas alternativas fora das que o voto se considera perdido.

Así as cousas, só unha mobilización xeral do voto hispano en contra da xenofobia predicada por Trump pode evitar que a presidencia da primeira potencia económica e militar do planeta vaia parar a un político criptofascista.

Daquela, antes do reconto xa estamos ante unha vitoria inequívoca de Donald Trump: o debate principal xa non é a proposta de goberno da nova presidenta ou do novo presidente. Estamos ante un referendo sobre a inmigración. Así xa fora presentado o debate do Brexit (non sobre a globalización capitalista como analizou algunha mente benpensante); e o resultado xa o coñecemos.

A pesar da hipocrisía do politicamente correcto, cada vez máis, o debate público céntrase en cuestións que afectan aos dereitos humanos básicos. E a cada paso van avanzando as propostas que afirman que debemos sacrificar os dereitos das persoas máis vulnerables nos altares da maioría social.reu_20161107_191847101

Un canto pacifista para un Nobel de Literatura

A educación para a paz, como calquera outra educación da sensibilidade, necesita de certos himnos, cánticos e símbolos que transcenden aos seus autores e forman parte do patrimonio colectivo de quen aspiramos a outras formas de convivencia, tan posibles como necesarias para o futuro da vida humana no planeta.

Non todo o que premia a Academia Sueca debe ser bo necesariamente. Nin abonda un premio para considerar inspirador a un autor. E, mesmo así, desde os meus anos de rapaz fun educado en certas preguntas cuxas respostas están zoando no vento:

 

Cantas estradas ten que camiñar un home

Antes de que lle chames home?

Cantos mares ten que sucar unha pomba branca

Antes de durmir na area?

Cantas veces teñen que voar as balas de canón

Antes de ser para sempre prohibidas?

A resposta, meu amigo, está zoando no vento

A resposta está zoando no vento

 

Cantos anos pode existir unha montaña

Antes de ser lavada polo mar?

Cantos anos poden existir algunhas persoas

Antes de que se lles deixe ser libres?

Cantas veces pode un home vira a súa cabeza

E finxir mesmo que non ve?

 

A resposta, o meu amigo, está zoando no vento

A resposta está zoando no vento

 

Cantas veces ter que erguer un home a ollada de home

Antes de que poida ver o ceo?

Cantas orellas ten que ter un home

Antes de que pode ouvir chorar á xente?

Cantas mortes  serán necesaria

Ata que el comprenda

Que demasiadas persoas morreron?

 

A resposta, o meu amigo, está zoando no vento

A resposta está zoando no vento

Bob Dylan – Blowin’ in the wind